Services to Eritrean nationals

ሓበሬታ ኣገልግሎታት ኤምባሲ

ሓፈሻዊ ሓበሬታ

ቅጥዒ/ፎርም ኩሉ ዝጥለብ ኣገልግሎታት ኣብ ኢንተርኔት ይምላእ። ከም ቅድም ኣብ ቤት ጽሕፈት ዝምላእ ዝኾነ ኣገልግሎት የለን። ንቤት ጽሕፈት ኣብ ቆጸራኻ ብኣካል ትመጽእ፣ ስእሊ ተሳኢልካ ወረቐት ንምፍራምን ንምኽፋልን ሓድሽ ፓስፖርት ወይ ወረቐት መንነት ንምርካብ ጥራይ ኢዩ።

ዝኾነ ጉድለት ዘለዎ መሕተት ኣገልግሎት ይኹን ዝሕተት ሰነዳት ዘይተሰነየ ጠለብ ኣገልግሎት ከምዘይንቕበል ንሕብር። እቶም ዓቕሚ ዘይብሎም ነቶም ዘለዎም ክሕግዝዎም ክሓቱ፣ እንተዘይኮይኑ ግን ኣገልግሎት/ሓገዝ ናብቶም ኣብ ኣብ ቦታኹም ተመዲቦም ዘለዉ ወኪላት ቤት ጽሕፈት ክትሓቱ ንሕብር።

ቅድሚ ናብ ቤት ጽሕፈት ምምጻእኹም ኣብቲ ናይ ቤት ጽሕፈት website ብምኻድ እቲ ቤት ጽሕፈት ኣገልግሎት ይህብ ምህላዉ ምርግጋጽ። ዝኾነ ሓድሽ ነገር/ ከም ምብልሻው system ወዘተ ኣገልግሎት ኣብ ዘይንህበሉ ግዜ ካብ ርሑቕ ከባቢታት እትመጹ ብፍላይ ኣደዳ ዘይተደልየ ወጻኢታትን ገልታዕታዕን ከይትኾኑ ኣረጋጊጽኹም ምጹ። ከይየረጋገጸ ዝመጸ ናይ ገዛእ ርእሱ ጉድለት ምዃኑ ንሕብር።

ስእሊ ኣብ ቤት ጽሕፈት ስለ ዝውሰድ ሒዝካ ምምጻእ ኣየድልን። ንስእሊ ድሉው ኮንካ/ኪ ናብ ቤት ጽሕፈት ቕረብ። ብዘይካ ብሓኪም ዝተአዘዘ ዘዘውትሮ ናይ ዓይኒ መነጽር፡ ምስ እምነት ሃይማኖትን ዝተአሳሰር ቆቢዕን መዓመምያን እተዘይኮይኑ ካልእ ናይ ጸሓይ መነጽር ቆብዕን ባርኔጣን  …ወዘተ ዘይለበሰ ክኸወን ይግባእደቂ ኣንስትዮ ስቑረን ኣብ ኣፍንጫ ደቂ ተበዕትዮ ከኣ ኣብ እዝኒ ስቑረን ከምኡ`ውን ኣርተፊሻል ጸግሪ ኣይፍቀድን ኢዩ።

 ሓድሽ ኤርትራዊ ወረቐት መንነት

• ቅጥዒ መሕተቲ መንነት /ID Form ብኢንተርኔት (online) ብግቡእን ብዘይጉድለትን ይምላእ።
• ዓይነት ደም ዘረጋግጽ ወረቐት ካብ ሓኪም
• መበቆል(ኦርጂናል) ክብሪ መዝገብ ብቆንስላዊ ጉዳያት ዝተረጋገጸ / Birth certificate Authenticated ዝኾነ ምቕራብ
• ክልተ ቅዳሕ ወረቐት መንነት ናይ ኣቦን ኣደን ምቕራብ
• ናይ ኣቦን ኣደን ቅዳሕ ወረቐት መንነት ምስ ዘይህልዉ ቅጺ ምስክርነት ዜግነት ንነበርቲ ወጻኢ ብውክልና ይምላእ። (ስም ወኪል ቁጽሪ ቴለፎን ኣብ ኤርትራ ዝርከብ ቀረባ ዘመድ ብኣደ ወይ ብኣቦ)
• መንበሪ ፍቓድ ኣብ ስዊዘርላንድ።
• ህልው ፓስፖርት ምስ ክልተ ቅዳሕን
• ስእሊ ኣብ ቤት ጽሕፈት ስለ ዝውሰድ ሒዝካ ምምጻእ ኣየድልን።  

መተካእታ ወረቐት መንነት

• ቅጥዒ መሕተቲ መንነት /ID Form ብኢንተርኔት (online) ብግቡእ ብዘይጉድለት ይምላእ
• ኣብ ኢድ ዘሎ ወረቐት መንነት ኦርጂናል ምስ ክልተ ቅዳሕ
• መንበሪ ፍቓድ  ኣብ ስዊዘርላንድ።
• ኣብ ኢድ ዘሎ ፓስፖርትን ምስ ክልተ ቅዳሕን
• ስእሊ ኣብ ቤት ጽሕፈት ስለ ዝውሰድ ሒዝካ ምምጻእ ኣየድልን።  

መኣረምታ ኣብ ወረቀት መንነት

መኣረምታ ወረቐት መንነት (ስም፡ ዕለት ልደት፡ ወይ ቦታ ልደት) ዝምልከት ብቤት ፍርዲ ምስ ተወሰነን ብቆንስላዊ ጉዳያት ምስ ተረጋገጸን ጥራይ ኢዩ ዝፍጸም።

ዝጠፈእ ወረቐት መንነት

• ቅጥዒ መሕተቲ መንነት ብኢንተርኔት (online) ብግቡእ ብዘይጉድለትይምላእ

እዚ ከይተመለአ ምትካእ መስርሕ ኣይጀመርን ኢዩ

• ቅዳሕ ወረቀት መንነት ምስ ዝህልዉ ይቐረብ
• መንነት ወረቀት ዝጠፍአ ከም ዝጠፍኣ ናይ ፖሊስ ወረቀት ምቕራብ
• ተዋሂቡ ዝጸነሐ ወረቐት መንነት ኣበይን መዓስን ተዋሂቡ
• ቁጽሪ መንነት ኣብ ዝምልከቶ ኣካል ኣብ ኤርትራ ምስ ተረጋገጸ መስርሕ ምትካእ ይጅመር
• ምሉእ ስም ኣደ፡ መበቆል ዓዲ ናይ ኣቦን ኣደን

ወረቀት መንነት ንትሕቲ ዕድመ

• ቅጥዒ መሕተቲ መንነት ብኢንተርኔት (online) ብግቡእ ብዘይጉድለትይምላእ
• ኤርትራዊ ወረቐት መንነት ኦርጂናልን ምስ ክልተ ቅዳሕ
• ብምኽንያት መርዓን ካልእን ምኽንያት ዝነበረ ስም፡ ዕለተ ልደት፡ ቦታ ልደት ክቕየር ምስ ዝድለ፡ እቲ ዝቕየር ብቤት ፍርዲ ምስ ጸደቐን ኣብ ቆንስላዊ ጉዳያት ምስተረጋገጸን መበቆል (ኦርጅናል) ምስ ቀረበ ጥራይ ይኸውን
• መንበሪ ፍቓድ ኣብ ስዊዘርላንድ።
• ህልው ኦርጂናል ፓስፖርት ምስ ቕዳሕ
• ስእሊ ኣብ ቤት ጽሕፈት ስለ ዝውሰድ ሒዝካ ምምጻእ ኣየድልን።  

ሓዳሽ ፓስፖርት ንዝሓትት

• ቅጥዒ መሕተቲ መንነት /ID Form ብኢንተርኔት (online) ብግቡእ ብዘይጉድለት ይምላእ።
• ኤርትራዊ ወረቐት መንነት ኦርጂናልን ምስ ክልተ ቅዳሕ ይቐርብ።
• ብምኽንያት መርዓን ካልእን ምኽንያት ዝነበረ ስም፡ ዕለተ ልደት፡ ቦታ ልደት ክቕየር ምስ ዝድለ፡ እቲ ዝቕየር ብቤት ፍርዲ ጸዲቑ ማሕተም ሚኒስትሪ ጉዳያት ወጻኢ ቤት ጽሕፈት ቆንስላዊ ጉዳያት ዘለዎ መበቆል (ኦርጅናል) ሰነድ ምስ ቀረበ ጥራይ ኢዩ።
• መንበሪ ፍቓድ ኣብ ስዊዘርላንድ።
• ኦርጂናል ምስ ቕዳሕ ህሉው ፓስፖርት።
• ዝተማልአ ግቡኣት መሕወይ ግብሪ (Clearance).
• ስእሊ ኣብ ቤት ጽሕፈት ስለ ዝውሰድ ሒዝካ ምምጻእ ኣየድልን።  

መዓልቱ ዝኣኸለ (ዝወደቐ) ፓስፖርት መተካእታ/ Expired Passport

• ቅጥዒ መሕተቲ መንነት /ID Form ብኢንተርኔት (online) ብግቡእ ብዘይጉድለት ይምላእ
• ተዋሂቡ ዝጸነሐ ፓስፖርትን ምስ ክልተ ቅዳሕን
• ኤርትራዊ ወረቐት መንነት ክልተ ቅዳሕ
• ብምኽንያት መርዓን ካልእ ምኽንያታት ዝነበረ ስም፡ ዕለተ ልደት፡ ቦታ ልደት ክቕየር ምስ ዝድለ፡ እቲ ዝቕየር ብቤትፍርዲ ምስ ጸደቐን ኣብ ቆንስላዊ ጉዳያት ምስ ተረጋገጸን መበቆል (ኦርጅናል) ምስ ቀረበ ጥራይ ይኸውን
• መንበሪ ፍቓድ Switzerland
• ኦሪጂናል ፓስፖርት ናይ ካልእ ሃገር ምስ ዝህልው ምስ ክልተ ቅዳሕን
• ፓስፖርት ኤርትራ ኣቐዲሞም ሒዞም ንዝጸንሑ ንኹሉ ዜጋ (ዕድመ ብዘየገድስ)
• ዝተማልአ ግቡኣት መሕወይ ግብሪ/ Clearances
• ፓስፖርት ቅድሚ ዓመት ምውዳቁ ኣብ ኤምባሲ ቀሪቡ ከመልክት ይግባእ
• ስእሊ ኣብ ቤት ጽሕፈት ስለ ዝውሰድ ሒዝካ ምምጻእ ኣየድልን።  

ዝጠፈአን ዝተባላሸወ ፓስፖርት መተካእታ ዝሓትት / Lost & Damage

• ቅጥዒ መሕተቲ መንነት /ID Form ብኢንተርኔት (online) ብግቡእ ብዘይጉድለት ይምላእ
• ፓስፖርት ከምዝጠፈአ ዘረጋግጽ ካብ ዝምልከቶ ኣካል ማለት ፖሊስ /ምምሕዳር መረጋገጺ ወረቀት
• ቅዳሕ ተዋሂቡ ዝጸነሐ ፓስፖርት
• ኤርትራዊ ወረቐት መንነት ምስ ቅዳሕ
• ብምኽንያት መርዓን ካልእ ምኽንያታት ዝነበረ ስም፡ ዕለተ ልደት፡ ቦታ ልደት ክቕየር ምስ ዝድለ፡ እቲ ዝቕየር ብቤትፍርዲ ምስ ጸደቐን ኣብ ቆንስላዊ ጉዳያት ምስ ተረጋገጸን መበቆል (ኦርጅናል) ምስ ቀረበ ጥራይ ይኸውን
• መንበሪ ፍቓድ ኣብ ስዊዘርላንድ።
• ስእሊ ኣብ ቤት ጽሕፈት ስለ ዝውሰድ ሒዝካ ምምጻእ ኣየድልን።  

ሕጋዊ ሰነዳት

ፎርም B4 ንምምላእ

• ኤርትራዊ ወረቐት መንነት ምስ ቅዳሕ

• ኤርትራዊ ወረቐት መንነት ዘየውጸአ፣ ክልተ ቅዳሕ ወረቐት መንነት ናይ ኣቦን ኣደን የቕርብ

• ኦርጂናል መንበሪ ፍቃድ ምስ ቅዳሕ
• መንበሪ ፍቓድ ኣብ ስዊዘርላንድ።
• ስእሊ ኣብ ቤት ጽሕፈት ስለ ዝውሰድ ሒዝካ ምምጻእ ኣየድልን።  

ግቡኣት ምምላእ

• ኤርትራዊ ወረቀት መንነት ምስ ቅዳሕ
• ኦርጂናል መንበሪ ፍቃድ ምስ ቅዳሕ
• መንበሪ ፍቓድ
• መረጋገጺ ዓመታዊ እቶት (Declaration)

ዉክልና ስልጣን

• ሓበሬታ ወካልን ተወካልን ብግቡእ ይምላእ
• ትሕዝቶ ውክልና ብግቡእ ይምላእ።
• ውክልና ስልጣን ሕጋዊ ሰነድ ብምኳኑ መሰረት ኣብ ኣጸሓሕፋ ጥንቃቀ ይሓትት። ብሕጊ ዘይቅቡል ምስ ዝኸዉን ዝምልከቶ ቤት ፍርዲ ወይ ዝምልከቶ ኣካል ክነጽጎ ከምዝኽእል ኣብ ግምት ኽኣቱ ይግባእ። ስለዚ ሰነድ ዉክልና ብንጹር ቃላት ዝተጻሕፈን ኣድላዩ ሓበሬታታት ዝሓዘን ክኸውን ይግባእ።
• ውክልና ስልጣን ቅቡል ንክኸውን እዚ ኣብ ላዕሊ ተጠቕሰ ነጥብታት ከማልእ ይግባእ።
• ብዛዕባ ገዛ፦ ከባቢ፡ ጎደና፡ ቁ.ገዛ፡ ቁ.ፍቓድ መዝገብ
• ብዛዕባ መኪና፦ ዓይነት መኪና፡ ቁ. መለለይ ሰሌዳ፡ ቁ. ቻሲ
• ብዛዕባ ገንዘብ፦ ስም ባንክ፡ ቁ. ሕሳብ ባንክ፡
• ውክልና ምርግጋጽ ዕለተ-ልደትን ኩነተ መርዓን ምስ ዝኸዉን ተወካሊ ቀረባ ዘመድ (ወላዲ፡ወላዲት፡ ሓዊ፡ ሓብቲ ወይ ሕጋዊ ጠበቓ ክኸዉን ይግባእ)
• ግቡእ መሕወይ ግብሪን ካልእን ግቡኣትን የማልእ።
• መንበሪ ፍቓድ ኣብ ስዊዘርላንድ።
• ሰነድ ውክልና ኣብ ኤርትራ ክረጋገጽ፡ ክሊራንስ መሕወይ ግብሪ (2%) ክህልዎ ግድን ኢዩ።
• ውክልና ኣብ ዉሽጢ 6 ወርሒ ኣብ ማ/ቤ/ጽ ቆንስላዊ ኮማዊ ጉዳያት ክረጋገጽ ኣለዎ።

ምርግጋጽ ሰነድ

• ኣብ ኤርትራ ብመንገዲ ቆንስላዊ ጉዳያት ሚኒስትሪ ጉዳያት ወጻኢ ምስተረጋገጸ ሕጋውነት ለቢሱ ኣብ መንግስታዊ ይኹን ህዝባዊ ኣብያተ ጽሕፈት ተቐባልነት ይረክብብ።
• ብኮፒ ወይ ብፋክስ ዝመጸ ሰነድ ኣይረጋገጽን
• ኣብ ኤርትራ ዝተመስርሐ መቦቆላዊ ሰነድ ግድን ኣብ ቆንስላዊ ጉዳያት ተረጋጊጹ ምስ መጸ ኣብ ኤምባሲ ቅቡል ዝኸዉን

ምርግጋጽ ህላውን ነባርነት

ህላወ ምስክርነት ወይ ነባርነት ንጥሮታ ይኹን ወይ ንብረት ንኤርትራ ንምልኣኽ ዘኽእል ሓታቲ ብህይወት ከምዘሎ ወይ ነባሪ ሃገር ስካንዲነቪያን ከም ዝኾነ ንምርግጋጽ ክቕረብ ዘለዋ ሰነዳት፦

• ኦርጂናል መንነት ወረቐት ምስ ቅዳሕ ይቐርብ።
• ፓስፖርት ምስ ሓደ ቅዳሕ ይቐርብ።
• ምስክር ወረቀት ነባርነት ኣብ ስዊዘርላንድ።

ምርግጋጽ ኩነተ-መርዓ

• ካብቲ ዝነበርሉ ምምሕዳር ከተማ ስዊዘርላንድ ኩነታት ሓዳር ዝሕብር ዝተረጋገጸ ሰነድ ይቐርብ።
• ምስክር ወረቀት ነባርነት ኣብ ስዊዘርላንድ።
• ሰለስተ መሰኻኽር ኤርትራዊ ወረቐት መንነት ዘለዎም ዕድመ ልዕሊ 30 ዓመት

ምርግጋጽ ካልእ ዝተፈላለዩ ሰነዳት

• መበቆላዊ ሰነድ ናይቲ መረጋግጺ ተደልይሉ ዘሎ ጉዳይ
• ካብ ኤርትራ ዝመጽእ ሰነድ መበቆል ሰነድ ቁኑዕ ምዃኑ ብሚኒስትሪ ጉዳያት ወጻኢ ናይ ኣንጋዲት ሃገር ይረጋገጽ፡ ብመሰረት ዝተረጋገጸሉ ሰነድ ተሞርኪሱ ድማ ኣብ ኤምባሲ ከምዝረጋገጽ ይግበር
• ዝተማልኣ መሕወይ ግብሪ / Clearances
• መንበሪ ፍቓድ ኣብ ስዊዘርላንድ።